Grom lekker saam!

Jacobs, Jaco en Lilje, Karen: Grom!(LAPA, 2016) 

Emma word wakker en sy voel brommerig en grommerig. En kort voor lank verander sy regtig in ‘n luiperd. Die hele gesin is buite raad met haar. Maar Dian het ‘n plan-hy verander in ‘n apie wat die luiperd se stert trek. Hy lyk so snaaks vir die luiperd dat sy nie haar lag kan hou nie. En sy word weer die vriendelike dogtertjie tot almal se verligting. Hoewel die twee kinders skelm vir mekaar knipoog- dalk is hulle nognie klaar met kattekwaad en aapstreke nie!

Enige kind kan vereenselwig met haar gemoedstoestand hierdie oggend- dikwels nie lus om op te staan nie, nie vir eet en ook nie vir speel nie.

Die sagte waterverf illustrasies plaas die gesin teen ‘n neutrale rustige agtergrond wat net versteur word deur die brullende tier en later die verspotte apie. Die karakters se oë spreek boekdele – verbasing, skrik en dan samehorigheid as ‘n gesin. Baie oulike verhaal wat vertel hoe ‘n kind in die oggend aweregs wakker kan word.

Jacobs, Jaco: Moenie hierdie boek eet nie! ‘n rympie vir elke dag van die jaar( LAPA, 2016)Illustrasies deur Zinelda McDonald.

Jacobs is al bekend vir sy rympieboeke vir kleintjies. In hardeband verskyn hierdie prag uitgawe – 312 bladsye met rympies vir elke maand van die jaar. In Januarie rym hy oor nuwejaarsvoornemens, die eerste skooldag en selfs Gorgonzola:”Dit ruik erger as erg, dit ruik vrotter as vrot, dit ruik byna soos iets wat woon in ‘n grot”…Februarie bring ‘n rympie oor ‘n spook in die skool se toilet; Maart vertel van as die maan ‘n pizza was  en teen Desember vertel hy dat sy pa rowwer is as jou pa:” My pa springtou met ‘n ratelslang, My pa kan ‘n leeu met sy kaal hande vang….hy is bang vir net mooi niks..behalwe my ma”!

McDonald se illustrasies is modern, verbeeldingryk, vol humor en maak ‘n groot bydrae tot die algehele gevoel van ‘n puik produksie. Haaar werk kan vergelyk met van die beste internasionale bundels wat ek al beoordeel het.

Maartens, Wendy: Towertapyt- 32 stories van rondom die wêreld( LAPA, 2016) Illustrasies deur Johann Strauss.

In Afrikaans het ons reeds ‘n paar versamelings van stories wat hul merk gemaak het en deel geword het van menige gesinne en biblioteke se voorraad.

Op glanspapier en met heerlike groot druk en vergesel van ‘n volblad illustrasie by elke verhaaltjie, is hierdie boek ‘n vreugde om te hanteer en te lees.

Uit Afrika is daar 6 stories wat Soedan, Egipte, Algerië, Benin , Ethiopië en Suid Afrika verteenwoordig- lg. Waarom Dassie nie ‘n stert het nie. Die Amerikas kry drie verhale, Britse Eilande twee, Europa 12, die Midde-Ooste een, Asië 6 en Australië en Oseanië twee.’n Bronnelys word op bladsy 160 gegee.

Die ideale boek vir voorlees en saamlees- niks kom by die bekoring wat sulke vertellings inhou nie.

Johann Strauss se bydrae as illustreerder is ongelooflik. Sy illustrasies vir die Professor Fungus-reeks en die Sanri Steyn-reeks is welbekend. Hier het hy sy verbeelding vrye teuels gegee en elke illustrasie kan die leser weer en weer geniet. Uitstaande werk.

Lona Gericke November 2016.

Ink

Mennen, Ingrid: Ink( Tafelberg, 2016) Illustrasies deur Irene Berg

“Letters maak woorde   Een vir een kry alles naam…”

In Tinka se gesin is daar pa, ma, Slip , Rosie en Jas. En die pragtigste swart kat wat orals teenwoordig is.

Sy neem die jong leser en volwassenes op haar verkenningstog van woorde – woorde wat stories maak , en veral wanneer jy jou eie boek maak – is dit vir altyd jou maat wat die lekkerste stories kan vertel!

Sy vra haar ma om haar buitelyne op koerantpapier af te trek. Toe teken sy die dogtertjie Ink binne die buitelyne. Die papierpop knip sy later uit en maak ‘n boekie daarvan.

Jong lesers kan saam met Tinka deel in ‘n leeservaring wat sy self geskep het.

Irene Berg was ook die illustreerder vir Ben en die walvisse wat die MER prys en die Alba Bouwer prys gewen het. Hier gebruik sy baie donker kleure- swart en bruin , roesbruin vir die buitelyne van Ink. Tinka woon in ‘n landelike omgewing in ‘n hegte gesinsverband.Baie oorspronklik in die uitbeelding van letters wat deur die lug beweeg om in ‘n boek saamgevat te word. Die swart kat is ‘n gunsteling teenwoordigheid en Tinka se voorkoms is heel ongewoon en innemend met haar groot ronde bril, vlegsels en klein pruil mondjie.    

‘n Keurig versorgde boek wat tot lesers wat iets “anders” soek sal spreek.    

 

Hanli die dansende Hasie , Paddington en Mnr Haas...

November 2016- resensies:

Stanley, Mandy: Hanli die dansende hasie( PROTEA, 2016)In Afrikaans vertaal deur Amelia de Vaal.

In Hanli die hasie se wêreld is dit “knibbel, hop, hop, elke dag presies dieselfde”. Op ‘n dag sien sy egter ‘n prentjie van ‘n danseres en besluit dit is wat sy wil wees. Sy neem ballet klasse en kry die hoofrol in hul konsert, maar met die son op haar pels weet sy om ‘n hasie te wees is nog die beste.As strooimeisie geniet sy nog ‘n perfekte dag; maar sekerlik is haar besoek aan die feetjiebal tog nog die mooiste ding!

 Hanli is die oulikste hasie denkbaar-ek onthou nog hoe die kleintjies die boek gekoester het toe ek die Engelse weergawe met voorlees in Afrikaans vertaal het.

Die illustrasies van Hanli in haar balletrok, as strooimeisie en in ‘n regte feetjierok is dierbaar en kruip in jou hart. Hoogs aanbeveel vir kleuters wat so weggevoer wil word na ‘n mooi, onskuldige wêreld, Hoogs aanbeveel.

Bond, Michael: Paddington( PROTEA, 2016).Vertaler: Amelia de Vaal.

Die klassieke karaktertjie Paddington die beertjie uit Peru word in Afrikaans aan kleuters bekend gestel.

Die Brown gesin ontmoet hom op Paddington stasie-vandaar sy naam- en neem hom aan as deel van hul gesin. Die beertjie veroorsaak dadelik dat ‘n tee drinkery ‘n morsige gedoente word, sy eerste bad ervaring ook, en as hy begin tuinmaak is dit ook ‘n snaakse affêre maar hy slaag daarin om sy eie rotstuin te hê. Die sportklub hou ‘n pretdag en die gesin belsuit om deel te neem. Paddington se pogings om hul te help eindig elke keer in ‘n fiasko, maar as eerste beer deelnemer kry hy ‘n medalje “om deel te neem en jou bes te doen is wat saak maak.”

Paddington is die oulikste beertjie wat onskuldig met goeie bedoelings dinge laat skeefloop-kinders kan mos hiermee identifiseer! Pragtige illustrasies.

Van Wyk, Chris: Mnr Haas ontmoet Mnr Mandela( Jacana Media, 2016) Ook beskikbaar in Engels, IsiXhosa en IsiZula. Illustrasies deur Paddy Bouma. Afrikaanse vertaling deur Marlise Joubert.

‘n Prenteboek verteenwoordigend van die diere van Afrika wat soos haas, wat nie kan lees nie, wel bekend is met ‘n geliefde man, Mandela. 

Haas ontdek een oggend ‘n R200 –noot op sy deurmatjie. Hy herken Mandela se gesig, en die van meneer Luiperd, . Hy is seker dit behoort aan Mandela en besluit om stad toe te gaan en dit aan hom terug te gee. Die diere waarsku hom dat dit gevaarlik is vir iemand wat nie kan lees nie . In die stad van  Lesers kan almal lees , of leer om te lees. En “hulle wat nie kan lees nie, maak dieselfde foute oor en oor.

Maar Haas marsjeer vreesloos na die onbekende stad. Soos hy mense ontmoet en handel dryf, verander die noot elke keer van kleur. Hy bly egter gerus dat Mandela se gesig nognie verdwyn het nie. Uiteindelik ontmoet hy die groot man; en tuis ontvang hy ‘n brief met ‘n nuwe R200 van Mandela. Vir hom is dit ‘n groot raaisel. “Ek sal moet teruggaan na mnr Mandela toe om dit vir hom te gee”. En hy voeg die daad by die woord.

‘n Groot formaat  boek met sagte waterverfkleure ; ‘n pragtige haas en ‘n sielvolle uitbeelding van Mandela.  In memoriam vir Chris van Wyk, die skrywer.  Heel oorspronklik.

 

 

Jacobs, Jaco: Z is vir Zackie-die perfekte pizza( LAPA, 2016) Illustrasies deur Alex van Houwellingen.

Twee titels het reeds in die reeks verskyn wat die perfekte boekies is vir kinders wat begin lees, veral ook waar Zackie en sy vriend reeds so gewild en bekend is aan bietjie ouer kinders. In eenvoudige taal en kort sinne kan hul lees hoe die boelie Anton Zackie se pizza verslind , maar Zackie tog daarin slaag om hom terug te kry met die “perfekte” pizza!

Jacobs, Jaco: Z is vir Zackie- die beste boomhuis( LAPA< 2016)

Zackie en Vincent bou ‘n boomhuis waar meisies nie welkom is nie. Jolanda en Tumi besluit ‘n boomhuis is simpel, maar help tog om die huis te versier, bring eetgoed en speelgoed maar is nog steeds onwelkom. Tot die seuns hulle met ‘n waterpistool nat skiet, en dit mevrou Langenhoven tref- en die meisies voorgee dat dit hulle was. Nou is die meisies welkom in die boomhuis – en die seuns leer ‘n les. Kinder- vriendelike stories ,baie innemend.

Jonker, Marga: Jenna en die leesperd( Tafelberg, 2016)

‘n Baie gewilde perde-reeks waar daar reeds 5 titels verskyn het. Jenna se droom om Meg Kingsley se nuwe skouspringruiter te word word verpletter toe sy gediagnoseer word met Scheuermann se sindroom- haar rug groei in ‘n boog en perdry is voorlopig van die baan.

Sy word egter betrek by terapieperde wat kinders help wat gestrem is. Jenna kry die opdrag op vas te stel watter van die perde is leesperde, en tot haar verbasing is die verhaal van Pippie een waarna die perde met oorgawe luister! En toe Dash Elzé se broer haar betrek by sy jonger sussie Nienke se leesprobleme, laat hy haar hart “soos tjoklits voel en laat hy handevashou soos warm poeding smaak”.

Lekker ontspanningsleesstof, gemaklike skryfstyl en die karakters is oortuigend .     

Steyn, Cecilia: Hartedief 3 ( H&R, 2016)

Die derde titel in ‘n reeks vir tieners – Hartklop en Hartbreker het reeds verskyn. En weereens gaan dit om hartsake- Lisa se verhouding met Thomas is verby.  Hy is ‘n dwelmverslaafde wat haar met ‘n probleem gelaat het,  n geheim wat sy moet wegsteek. Estian ontmoet haar weer in Stellenbosch waar sy nou modeontwerp studeer en hy is gedetermineerd dat sy sy   meisie gaan word; wat ookal die geheim is wat sy nie wil verklap nie.

Die gebruiklike resep van drama en tienerliefde; die onsekerheid, hartstog  en misverstande wat so skielik gebeur … sal gewild wees by lesers van liefdesverhale.   

Nie-fiksie:

Von Holleben, Jan en Helms, Antje: Gebeur dit met almal? Reguitpraat oor puberteit( PROTEA, 2016)Uit Duits vertaal deur Anthony Moen.

Boeke oor puberteit word gereeld aangevra in biblioteke, en die oes was nog altyd maar dun. Hierdie aantreklike boek met pragtige fotos in kleur van tieners soms ook snaaks, is uiters nuttig  en sal biblioteek en privaatversamelings doeltreffend aanvul..

Hoofstukke is ingedeel oor groei en verandering a.g.v. hormone, die verskil tussen seuns en meisies, wat liefde is versus verlilefdheid, soentjies versus seks en afgesluit met inligting oor swangerskap en die ontwikkeling van die embrio.

Die aanslag is modern, die tieners jonk en met selfvertroue gekiek wat die boek lekker lesstof vir tieners sal maak. ‘n Baie oulike boek saamgestel deur twee ervare joernaliste.

 

Harry Griesel vergesel Padda van Max Velthuijs...

Kaiblinger, Sonja: Harry Griesel 1-operasie spookredding( H&R, 2016)Afrikaans deur Irma Badenhorst.

“Alles het begin die aand toe Meneer Olsen oorlede is”. Elfjarige Otto lees rillers en hou daarvan om Meneer Olsen vanuit sy dakkamer dop te hou as hy besig is in sy radystuin. Maar vanaand sterf hy in sy radystuin. Otto se vriend Vincent is ‘n vlermuis en woon in sy eikehoutkas. ‘n Grieselrige gedaante verskyn in ‘n rammelkar en met ‘n skoenlappernet probeer hy die gloeiende vuurbal bokant Meneer Olsen se lyk vang. Otto glo aan spoke, maar besef dat hierdie nie ‘n gewone spook is nie. Die huisspook is Sir Tony. Hy woon in ‘n stofsuier in die huis. Bert weer bly in haar yskas, en Molly in die wasmasjien.

Die Grieselgryper steel die siele van dooies en sit hulle in agurkiebottels. Otto en sy vriende besluit die insident beteken groot moeilikheid. Harry Griesel vervoer siele na die anderkant deur sy tante se staanhorlosie as lid van die SBI- Siele-Bevorderings-Instituut. ‘n Besoek aan die spookagtige pretpark Donkerland is die begin van ‘n avontuur waar Otto probeer om sy spookvriende te red uit die kloue van die eienaar, Meneer Bleu.  Hy hou hulle gevangene om besoekers aan die pretpark bang te maak…  So word dit werklik ‘n operasie spookredding!

Hierdie nuwe reeks deur Kaiblinger is al in 11 tale vertaal en baie gewild internasionaal. Dit is vol humor, avontuur en deurtrek van grieselrige karakters wat seuns en dogters tussen 10-13jaar wat van spoke hou, sal geniet. ‘n Paar wenkbroue mag egter gelig word oor die Grieselgryper se beroep! Nouja, defnitief was daar nog nie so ‘n reeks in Afrikaans nie!  

Vir kleuters en peuters:

Rousseau, Leon: Storiemuis Boek 5( H&R, 2016) Met oudio-CD.

‘n Verdere toevoeging tot hierdie baie gewilde reeks boeke, keurig versorg en pragtig geïllustreer deur o.a. Marjorie van Heerden.

In Boek 5 leer kinders tel van 21-30; leer die letters p tot t ken met gediggies, stories en woordeskat wat die verskillende letters vergesel. Die muisgesin leer iets van seisoene; Beertjie leer woorde in die koswinkel soos heuning, ham en hoender; en met die letter r verskyn die kleure van die rëenboog.Rakkertjie gaps sy verjaarsdag-vriend se rooi karretjie, en leer dat leen sonder dat die eienaar daarvan weet, eintlik steel is.

Daar is dus genoeg verskeidenheid en nuwighede om kinders te wys dat lees net ‘n groot plesier kan wees.

Bruna, Dick: ‘n reeks klein formaat hardeband boekies(PROTEA, 2016)    Titels: Ek kan lees; Diere;die appel;  Rond, vierkantig , driehoekig; en Die eier.

‘n Klassieke reeks wat reeds in die sewentiger jare in Afrikaans verskyn het. Hierdie is die tweede Afrikaanse uitgawes vertaal deur Amelia de Vaal uit Nederlands.

Bruna se boekies het altyd ‘n plek in biblioteke en tuisversamelings; afhangende van hoeveel kopiëe nog beskikbaar is. Diere en Ek kan lees is geskik vir kleuters met min teks en eenvoudige illustrasies van  bv. ‘n kind wat na sy neus wys en die woord neus verskyn op die bladsy langsaan. Die Appel is ‘n blinkrooi appeltjie wat graag plekke wil ruil met iets anders. Haan laai hom op sy rug en hy kry die geleentheid om te sien wat bine-in ‘n huis gebeur. Die teks rym en is baie bekoorlik; ook is die teks in rym vir die eier en die koning.  Hopenlik sal die tweede uitgawe ook goed ontvang word.

Velthuijs, Max: Padda is verlief( PROTEA, 2016) Afrikaans deur Carla Lang.

‘n Belangrike Nederlandse skrywer en illustreerder se verhaal van ‘n verliefde padda kry erkenning in Afrikaans. Padda voel vreemd en is nie seker of hy vrolik of hartseer is nie. Vark dink hy het verkoue, maar Haas sê hy is verlief. Dit maak padda baie gelukkig. Hy skilder ‘n prent vir Eend, sit blomme voor haar huis, maar het netnie die moed om met haar te praat nie. Hy dink al manier sal wees om die hoogspringwêreldrekord te breek. Natuurlik val hy hom amper disnis , maar Eend kom tot sy hulp. Van daardie dag af het hulle mekaar baie lief-“’n Padda en ‘n eend…Groen en wit. Liefde ken geen grense nie”.

Velthuijs se eenvoudige treffende ilustrasies het hom dan ook dieH.C.Andersen medalje besorg vir sy bydrae tot kinderliteratuur. Hoogs aanbeveel.

Velthuijs, Max: Padda en die vreemdeling( PROTEA, 2016) Afrikaans deur Amelia de Vaal.

Velthuijs se persoonlike sterk sosiale bewustheid kom ook na vore in hierdie verhaal waar Padda anders as Vark enEend self wil besluit of die vreemdeling in hul midde ‘n “grillerige vuil rot” en skelm is.Eend maan ook dat rotte lui en astrant is. Maar Rot is heeltyd besig. Padda en hy word vriende en Padda geniet sy interessante stories van avonture rondom die wêreld. Toe vark se huis afbrand is dit Rot wat kom help. Hy red ook vir Haas uit die rivier. Nou is hy welkom en ‘n vriend. Rot moet weer vertrek- die “sloridige maar gaw, bekkige, hulpvaardige , slim rot”.

‘n Goeie lewensles is opgesluit in ‘n eenvoudige verhaal van vriendskap en bevooroordeel. Hoogs  aanbeveel. 

 

 

 

  

KArel Krokodil en Willem wreedaard ontmoet Jip en Janneke en tem 'n draak...

Stewart, Dianne: Karel die Krokodil( Jacana, 2016) Illustrasies deur Joan Rankin

n Baie omgekrapte Karel is huilerig oor tandpyn. Simon Seekoei neem hom na twee tandartse wat weier om hom te help. Dr. Slagtand, die Leeu is bereid om hom na ure te sien; maar Karel weier dat sy tand getrek word. Die dokter vermaan hom dat hy wel sy tande moet flos en mondspoelmiddel moet  gebruik. Pippa die kiewiet kom egter tot sy redding deurdat sy toe sy tande skoonmaak deur stukkies kos te aas in sy bek; gebruiklik vir Egiptiese kiewiete.

Joan Rankin se bekende sagte waterverf tekeninge maak hiervan ‘n aantreklike boek. Daarby is daar die boodskap vir kinders om hul tande te versorg- dit is net twyfelagtig of Karel goeie motivering gaan wees! Persoonlik hou ek van ‘n baie meer vreesaanjaende krokodil, en sou graag by die illustrasie waar hy huil oor tandpyn meer uitdrukking op sy gesig en so ‘n paar trane wou sien!

Fardell, John: Willem die wreedaard( PROTEA, 2016) Afrikaans deur Shané Kleyn

“Willem die Wreedaard is geweldig wreed. Met sy bende trawante ontvoer hy briljante uitvinders en dwing hulle om sy duiwelswerk te doen”- hulle moet masjiene bou om vliegtuie te beroof; kunsgalerye te plunder ; en seerowers te speel. Hy behandel ook sy onderdane gevoelloos en is uiters selfsugtig. Maar toe word Willem siek, en niemand help hom nie, want almal is te bly dat hy lamgelê is. Nou besluit Willem om liewer ‘n weldoener te word. Net so af en toe doen hy nog iets wat ‘n bietjie stout is…

Die skrywer illustreer self en is ook ‘n spotprenttekenaar. Sy illustrasies is vol verbeelding en behoort kinders te fassineer. Lekker groot druk maak dit ook maklik om die teks te lees. Hoogs aanbeveel.

Schmidt, M.G. en Westendorp, Fiep: Jip en Janneke omnibus ( PROTEA, 2016)Uit Nederlands vertaal deur Amelia de Waal.

Hierdie bekende Nederlandse kinderboek karaktertjies deel hier in 352 bladsye hul avonture en daaglikse manewales met die leser- dit was selfs vir my verstommend om te lees dat daar seker geen situasie nog kan wees waarran hulle nie deel het nie! Kraletjies inryg, speel in die reën; touspring, wipplank ry, verjaarsdag vier, om net enkeles op te noem.

‘n  Lekker voorleesboek met situasies tipies uit ‘n kind se ervaringswêreld. ‘n Klassieke werk wat ‘n plek verdien in biblioteke en tuisversamelings.

Vir meer ervare lesers:

Cowell, Cressida: Hoe om draak se storm te trotseer-( PROTEA, 2016)(7)  Afrikaans deur Kobus Geldenhuys.

Ook die volgende titels: Hoe om ‘n draak se hart te breek(8), en Hoe om ‘n draak se swaard te steel.(9).

Hierdie gewilde fantasie-reeks- Hoe om jou draak te tem, het geen bekendstelling nodig nie! Cowell se lesers sal tog te verheug wees om drie verdere titels in die reeks te ontdek. ‘n Verbeeldingryke reeks met aweregse humor, vindingryke idees , en avonture wat net Cowell kan fabriseer.”’n Aksiebelaaide avontuur wat wemel van karakters met skreeusnaakse name en mitiese monsters wat enige seun se verbeelding sal aangryp”-Books for Keeps. Om nie te vergeet van dogters wat ook fantasie geniet nie. Hoogs aanbeveel. Kobus Geldenhuys doen puik werk met die vertalings.

Jonger lesers:

Pantermüller, Alice en Kohl, Daniela: Lotta se lewe-die Lama-drama( H&R, 2016)Afrikaans deur Kobus Geldenhuys.

Lotta is baie opgewonde want haar klas gaan op ‘n klasuitstappie na ‘n eiland met ‘n groot herehuis, baie diere, ook ‘n Lama, en ‘n bekende veldskool. Berenice en die Glamour girls, die Rockers, en ’n groep Graad 8 kinders uit ‘n ander deel van die stad- Die Ape, is saam. Gou word dit dan ook ‘n situasie van die Ape wat die ander kinders bang maak en terroriseer, en Lotta en Chantelle wat besluit hulle moet ‘n les geleer word.  Berenice van die Glamour girls is dadelik smoorverlief op Magnus, die jong Baron(LaMa); en net ‘n groot irritasie. Lotta kry dus samewerking van al die kinders om die Ape ‘n les te leer, en die anti-Berenice-sproei, jeukpoeier, stinkbomme en jelliebeertjies kon handig ingespan word!

‘n Klasuitstappie met genoeg opwinding om lesers van hierdie gewilde bekende reeks gelukkig te hou. Die sketse en byskrifte maak die verhaal nog snaakser en vol humor.

 

 

 

Van Jakkals en Wolf na Asem-skep!

Maartens, Wendy:  Jakkals en Wolf bou huis( LAPA, 2016)Illustrasies deur Chris Venter.

Hierdie Ek lees self reeks bevat 12 titels, waarvan die JAkkals en Wolf-stories 6 titels uitmaak. Hier is ook Jakkals en Wolf en die klip; Jakkals en Wolf wil boer; Jakkals en Wolf wil trou; Jakkals en Wolf in boer se kraal; en Jakkals en Wolf vang vis.

Elkeen van die boekies bestaan uit 23 bladsye met nuttige wenke aan ouers agterop die laaste bladsy.

As Wolf ‘n huis bou, bied Jakkals aan om hom te help, maar dit is net ‘n slinkse manier om Wolf se kos te steel. Wolf glo Jakkals dat hy vis sal vang deur sy stert in die yswater te steek.In Boer se kraal eet Wolf te veel en word te dik om weer onder die kraalmuur deur te kruip.Wanneer altwee op Tier verlief raak, is dit ‘n groot kompetisie sonder dat een wen. Jakkals en Wolf  wil boer, maar soos gewoonlik kry Jakkals al die varke en Wolf bly arm en honger. Jakkals gebruik ‘n klip om Wolf in die laaste storie uit te oorlê.

Chris Venter se oorspronklike interpretasie van die twee hoofkarakters maak die boekies ‘n fees vir beginner lesers. Nie net is die sinne kort en ideaal vir ‘n beginner nie, maar onderaan elke bladsy word woorde uitgelig en weer geïllustreer om die spesifieke woord sterker tuis te bring. Sy kleurkombinasies en agtergrond sketse is ongewoon—Wolf se huis se kamer het ligpers mure, die klip staan teen ‘n ligpienk horizon; Boer se huis het vrolike geel mure en ‘n rooi dak.Tiertjie met haar pragtige groot oë en pienk haarstrik bekoor die twee karakters. Emosies wys duidelik op hul gesigte- verbasing, gelukkig wees,ook woede en frustrasie.

Hierdie is ‘n nuttige reeks vir beginners; en Chris Venter se illustrasies dra grootliks by tot die aantreklikheid van die reeks. Hoogs aanbeveel. 

 

 

 

 

Jeugboek:

Vermeulen, Jan: Asem (LAPA, 2016)

Hierdie roman was die wenner in LAPA se jeugroman kompetisie, en gou was dit vir my duidelik dat die erkenning verdien is. Vanaf die inleidende bladsy beweeg die verhaal  asemloos teen ‘n vinnige pas, aangevuur deur Barries se rebelsheid en agressie.

Barries dink nie dat hy iemand sal kan doodmaak nie, maar hy word oorweldig deur sy haat vir ‘n pa wat hom nie wou hê nie; wat volgens hom ‘n monster is. “Rotte sal altyd rotte bly” volgens hom. Die pa het hom gereeld geslaan; het weggeloop; hom nie met verjaarsdae geluk gewens nie.

Maar nou word hy uitgenooi om by sy pa te gaan kuier. En na ‘n motorongeluk waarin hy en sy vriende betrokke is, word hy geforseer om wel na sy pa toe te gaan. Barries moet in die tyd ook “skoon “ bly van dagga en ander dwelms; en dus is daar min waarna hy kan uitsien met so ‘n besoek, behalwe dat hy rottegif saamneem om in sy pa se drank te gooi!

Hy word dus verplaas van ‘n bekende omgewing en sy ma se ondersteuning , na ‘n afgelëe vissersdorpie waar sy pa skilder en bly. Verhoudinge word baie pynlik en volg ‘n lang proses van botsings en struweling. Hy red ‘n hond uit die see en is bereid om al die kostes te dra sodat Jona gesond kan word. Hy maak vriende met die kleurlingseun Fillie Booysen; leer Olga en haar jaloerse vriend Stef ken; en uiteindelik ook Eunicé, Jona se regte eienaar.

Die beskrywings van Seeplaas laat jou die see ruik en sien; die twee hoofkarakters neem jou saam op ‘n golf van  oorweldigende emosies; en Barries groei tot ‘n volwasse seun wat uiteindelik vrede maak met die omstandighede wat gelei het tot sy oorspronklike haat en aanhoudende verset. Die waarheid omtrent die werklike identiteit van sy pa is verassend en onverwags. Barrie leer dat geweld nie ‘n oplossing bring nie, dat jy eers jouself moet vergewe voordat jy ook die mense naaste aan jou kan vergewe.

Sterk karakteruitbeelding en ontwikkeling; ‘n tema wat tot menige tiener sal spreek; geloofbare situasies en konfrontasies; emosies wat jou as leser aangryp maak van hierdie boek ‘n kragtoer en ‘n boek wat erkenning moet geniet in skole, biblioteke en tuis. Hoogs aanbeveel

Lekker lentetyd boeke!

Lentetyd boeke!

Vir die kleintjies:

Eerste stories reeks: Jan en die boontjierank; Rooikappie; Aspoestertjie; Die Oerwoudboek(H&R, 2016)

Kleurvolle kartonboeke elk met ‘n ander kleur kolletjies rugkant ; stewig en klintjies kan na hartelus trek , stoot en skuif om die leeservaring nog lekkerder te maak. Klein Mowgli kruip weg agter kleurvolle blomme; lê in sy hangmat en word beskerm deur sy vriende.

Jan klim teen die boontjierank uit en met ‘n stootbeweging sien die leser die reus. Met ‘n skuifbeweging verander Rooikappie se ouma in die aaklige wolf, enAspoestertjie verander in n asemrowende prinses!

Die reeks is defnitief vir 0-6jariges; die sprokie is baie vereenvoudig, maar dit is ‘n gawe geleentheid om lief vir boeke te word.

Butterfield, Moira en Sterling, Holly: Almal voel…kwaad; Almal voel…hartseer; Almalvoel gelukkig en Almal voel bang ( H&R, 2016)

‘n Sagteband reeks van vier titels wat baie nuttig deur onderwysers en ouers gebruik kan word om kinders meer te leer oor die verskillende emosies wat hulle ervaar, afhangende van die spesifieke situasie waarin hulle hul bevind.

Zinzi is hartseer omdat sy haar gunsteling speelding verloor het. Omar se kat Sokkies is dood en hy is baie hartseer.   Elke kind kry die geleentheid om hul emosies met maatjies te deel. Lesers kkry wenke oor hoe om die emosies te verwerk. Op bladsye 20-21 is die stories in 4 opeenvolgende stappe verdeel as hulpmiddel, en woorde in die storie word ook verduidelik , bv. Snoesig: sag en lekker om aan te vat.Omar se kat was baie snoesig.

Die boeke is aantreklik geillustreer met ‘n vrolike positiewe gevoel sodat die kind na die prente kan kyk terwyl emosies verduidelik word. Hierdie reeks sal tuis en in biblioteke /skole gebruik kan word.

Pinguilly, Yves: Die groot blom( Tafelberg, 2016) Illustrasies deur Maja Sereda. Ook in Engels beskikbaar as The big flower. Afrikaanse vertaling deur Martine Steyn.

‘n Eerste skooldag word vir Palesa en haar maatjie Dylan word ‘n wonderlike avontuur wat begin met die twee wat skooltoe stap. Palesa se papa hou elke kind aan ‘n hand vas. Wanneer hulle by ‘n piepklein huisie verby loop word hulle gegroet deur ‘n reuse geel sonneblom. Wanneer hulle weer huistoe gaan is die blom ook besig om totsiens aan die dag te sê.

Hierdie is die mooiste boek! Sereda se illustrasies is werklik iets besonders- die hele atmosfeer wat sy so skep is vrolik en maak ‘n mens se ervaring prentjie-mooi! Een van die treffendste boeke wat ek vanjaar tëegekom het. ‘n Stapervaring so eenvoudig maar tog so lekker. Hoogs aanbeveel.

McIntyre, Sarah: Daar’s ‘n haai in die bad( LAPA, 2016)Afrikaans deur Jaco Jacobs.

‘n Lawwe vrolike fantasie met Nika wat ‘n hele haaifamilie in die badwater ontdek, en hulle besig hou met tandeborsel en lekkerruik speletjies sodat hulle haar nie opvreet nie. Toiletpapier word gebruik vir die fraai toegedraaide speletjie, en voor haar pa die gemors kan aanskou moet hulle help met die skoongeskrop-speletjie. Pappa Haai besluit nou hulle sal beter vaar om terug te gaan see toe. En Nika: kyk net wat ontdek sy in haar papbak met ontbyt! Lekker laf en vrolik; groot pret.

 Jacobs, Jaco: Viskos! ( LAPA, 2016) Illustrasies deur Zinelda McDonald.

Troeteldierdag is Dennis se geleentheid om sy goudvis Flaffie skooltoe te neem. Niel die skoolboelie, laat Flaffie in die toilet afspoel. Gelukkig kom Flaffie weer te voorskyn. Die wetenskap onderwyser kry nie kans om  sy nuwe eksperiment met die kinders te deel nie, maar tot Niel se verbasing begin Flaffie hik, eet sy wiskund huiswerk op en word al groter en groter…Meneer Newton se groeiformule het gewerk, en die skoolboelie leer sy les.

‘n Beginner leesboek wat elke kind sal geniet. Die storie is verbeeldingryk en snaaks, en McDonald se illustrasies is in die kol om die hele ervaring nog lewendiger en snaakser te maak. Baie oulike boek.

Ellison, Peet: Timmertak se nuwe avonture( H&R, 2016) Afrikaans deur Kobus Geldenhuys. Ook in Engels beskikbaar as Timbertwig’s new adventures.

 

Timmertak is ‘n gewilde karakter in die bekende Storieman-reeks, en hier kry kinders 4 nuwe avonture met Timmertak en Abigael die towerspinnekop wat in sy hoed bly. Haar hoedhuisie is vol hare, en die towerspreuk om die hare te laat verdwyn loop lelik skeef toe Timmertak se wenkbroue verdwyn. By die skool gaan dinge nie beter nie, en Abigael laat ook sy uitskryfwerk om nie onderwysers te treiter nie, skeef loop. Timmertak kry ook te doen met ‘n vlooisirkus en die vlooie weet hoe om selfs Ouma Kwas te laat jeuk.

Abigael toor twee yslike wit eiers so groot soos rugbyballe. Die volstruis Piekel broei uit, en uit die ander eier verskyn ‘n klein krokodil! Hy is vasbeslote om Piekel te leer vlieg, min wetende dat volstruise mos nie kan vlieg nie. En Ouma het die krokodil agter die kinders in die swembad ingegooi-elke kind het daardie dag ‘n swemrekord opgestel!

In die laaste storie verdwaal Skitterkind , ‘n babaster en beland in die dam. As sy nie gou gered word nie, sal haar liggie vir altyd uitgedoof word. Eers help hulle om ‘n klomp ballonne uit ‘n doringbos en weg van die stekende Goorgogge te lei; en op hul beurt help die ballonne weer vir Skitterkind om weer in die lug te kom. :”van waar hy in sy bed lê…wonder hy of Skitterkind veilig by haar huis aangekom het en wat die ander sterre van Kameelperd, Worshond en Nlom – die ballonne gedink het wat met haar huis toe gevlieg het”.

Die boek sluit ‘n oudio-CD in. Wonderlik verbeeldingryke stories met die interessantste karakters en name wat hierdie ‘n uiters gewilde voorlees en selfleesboek gaan maak.

7+jariges:

 Viljoen, Fanie: Oepse daisy, Lulu( LAPA, 2016)

Lulu se ma en pa vertrek om die modeweek in Londen by te woon. Hulle verras haar egter met die nuus dat haar geliefde tante Tula-Belle by haar kom bly want sy moet in n groot operakonsert sing.

Lulu nooi sommer dadelik Carmen om ook ‘n paar dae by haaar te kom bly om die tante te ontmoet.

Anaf haar aankoms begin die huis ghaoties raak- sy het ‘n magdom klere en juwele saamgebring; en gou is dit duidelik dat sy met niks tevrede is nie- die kok se kos is sleg, sy is allergies vir alles, en sy krap vreeslik om. Skielik verdwyn haar duur ring en sy beskuldig sommer die tweeling langsaan van diefstal.

Toe sy ontdek dat Lulu ook rokke ontwerp dring sy daarop aan dat Lulu die rok maak wat sy met die groot aand gaan dra. Maar al Lulu se pogings is netnie reg nie. Toe word die konsert ook gekanselleer, en Lulu reel sommer dat hulle ‘n vertoning in die tuin hou. Wanneer die tante haar sang oefen, klink dit nie te wonderlik nie. Lulu besef geleidelik dat haar tante vernader het en dat sy nie meer so baie van haar hou nie. Die konsert eindig ook in ‘n fiasco toe ‘n donderbui uitbreek, maar nou hoor sy eers wat werklik haar tante se situasie is.

Jonger lesers , veral meisies wat modebewus is en aanklank vind by die illustreerder se amper naïwe sagte waterverf illustrasies- alles baie “girlie”-rig, sal die storie geniet. Veral ook as hul reeds met die hoofkarakter kennis gemaak het in die vorige twee titels- Bravo, Lulu en Oelala, Lulu en haar geniet.

‘n Bonus is die skrywer se lewenslessie wat so sagkens ingewerk is. 

 

  

 

 

9-12jariges:

Pantermüller, Alice en Kohl, Daniela: Lotta se lewe – Vent of vriend?( H&R, 2016)Afrikaans deur Kobus Geldenhuys.

5 Boeke het reeds in hierdie gewilde reeks verskyn, en in die volgende avontuur is daar glo ‘n groot drama met ‘n Lama.

Lotta, Chantelle en Paul besoek die stad se swembad sodat dit nog ‘n bietjie na vakansie kan voel want die skool het weer begin. Hier spat sy per ongeluk ‘n vreemde seun wat ‘n onverstaanbare taal praat nat. Paul sê dit is Frans. En toe is hy nog die nuwe seun in die skool. Rémi moet langs haar sit, en Lotta kan nie die reuk van sy aaklige vrot kaas uitstaan nie. Die ergste is dat hy sommer gou smoorverlief    op haar is, en Lotta moet besluit of hy vent of vriend gaan wees.

Lotta aanhangers behoort hierdie nuwe boek in die reeks te geniet. Weer is daar die gebruiklike humor versterk met die sketse , letters in verskillende groottes en emosies wat duidelik op hul gesigte uitgebeeld word.   Gaan hy ‘n lid van hulle bende word? En sal hy tog leer sy is nie Lothar nie,maar Lotta. Flippit!!

 

Jeugboeke:

Taute, Dihanna: Die Engelsman in my slaai(H&R, 2016)

Ek en Prins Donkerkuif, die eerste titel in die reeks,   word gevolg deur  Die Engelsman in my slaai. Lehandi trek terug  Vrystaat toe na haar ma se egskeiding. Die langafstand verhouding met Drayke loop nie te lekker nie. In haar nuwe skool ontmoet sy Elmie en Megan en hulle word gou vriende. Vandag is ‘n “dress-up” dag vir dieremishandeling. Die skool se sexyiste ou Garth Johnson is ‘n koei, en hy probeer haar aandag trek:” Sy oë betower my. Hou my gevange. Ek moet oppas, anders beland e kook onder sy magic spell. Soos al die ander zombie-poppe wat agter sy lyf aan is.”

Om dinge interessanter te maak begin haar ma Vis-van-Breda se pa date; haar stiefma maak haar ‘n babasussie ryker, en  Garth maak dit baie duidelik dat hy geïnteresseerd  is in haar.

Lekker ligte leesstof vir meisies wat wil ontspan sonder veel inspanning! Gemaklike skryfstyl; baie onopgesmuk en plat op die aarde.

Wasserman, Elizabeth: Elf dae in Parys( Tafelberg, 2016)

Vir 11-14jariges wat ‘n storie met meer lyf soek, sal hierdie elf dae in Parys genoeg bevrediging gee.  

Nie net doen die skrywer moeite om baie inligting oor Parys –die kunsmuseums en ander besienswaardighede by te voeg nie, maar ook skets sy hier ‘n onverwagte avontuur wat Emma en haar vriende lekker onkant vang.

Haar ouma Hebsodemma moedig haar aan om die elf dae in die wintervakansie die skooltoer mee te maak.

Juffrou Lategan die Franse juffrou is hul chaperone. Die twee meisies wat sy ken is Tombisa-die eksotiese Afrika prinses, en Clarissa, die klas se flerrie.

Haar ouma se geskenk is ‘n sagte sakkie van swart fluweel met ‘n rekbandjie wat sy moet gebruik om alles in te bêre wat sy veilig wil bewaar. Hulle gaan tuis by Mevrou Flaubert by wie hulle ook Franse klasse gaan loop. Haar seun  Luc is hulle kelner.

Met haar eerste besoek aan die Musée d’Orsay  verskyn ‘n houer met heuning  in haar rugsak; en  haar ouma dring aan dat sy na die standbeeld van die sater en sy beertjies moet gaan kyk- ‘n fyn lyn tussen droom en werklikheid begin vorm aanneem vir Emma. Phillibert die sater vertel haar dat sy een van die drie Muse is. Tombisa en die vioolspeler Kimiri is die ander twee. Hulle moet die drie sleutels kry om die krag van kuns vir die stad oop te sluit- visuele kuns, letterkunde en musiek.Een maal elke honders jaar moet die Muse die sleutels in ‘n spesiale seremonie aan die burgermeester oorhandig. Die ritueel hernu die betowering van Parys vir besoekers. :Die seremonie van die Honderd jaar Hernuwing. Die sleutels hou ‘n groot aantrekkingskrag in vir ander rolspelers wat ook hierby betrokke wil wees. En nou is die sleutels weg. Gaan Emma en haar vriende daarin slaag om die sleutels betyds op te spoor?

‘n Gewone skooltoer verander in  ‘n aksie belaaide  avontuur met agtervolgings, gemene rampokkers en allerhande verassings om elke draai! Om nie te vergeet van al die inligting oor Parys en die moontlikheid van ‘n romanse vir Emma nie.

Wie sou nou kon dink dat elf dae in Parys soveel moontlikhede bied vir die leser om defnitief met nuwe oë na Parys te kyk! Hoogs aanbeveel.

.

Lona Gericke Augustus 2016

  

 

Vels, Verna: Liewe Heksie se groot omnibus( H&R, 2016)Illustrasies deur Vian Oelofsen.

Wat kan nou lekkerder wees as ‘n omnibus van al 41 oorspronklike Liewe Heksie-stories, aanloklik in n helder geel sagteband omslag en met Vian Oelofsen se sprekende illustrasies wat al so bekend geword het! Die swart-en wit tekeninge is netso beweeglik en treffend soos wanneer Vian kleur gebruik.

Hierdie is ongetwyfeld die ideale kers/verjaarsdag/ en sommer net geskenk vir ‘n kind: ouers kan eers voorlees vir die peuters, en later is dit hul geleentheid om self in die teks verdiep te raak.

Liewe Heksie hou verjaarsdag, sing in die straat, dra ‘n bikini, sy maakdie koning gesond,gebruik toorwoorde; word ‘n babawagter, gaan skool toe,en is in ‘n sirkus betrokke. Net maar ‘n paar van die snaakse en dierbare geleenthede om ons geliefde heldin in aksie te sien.

Hierdie is ‘n kosbare versameling en behoort ‘n tuiste te vind in elke biblioteek, skool en huis. Hoogs aanbeveel.   

Wat maak so? Plaasdiere, wilde diere, wouddiere en troeteldiere(H&R, 2016)

Die vier titels in die reeks , elk in ‘n kleurvolle omslag en in hardeband, bied kleuters die geleentheid om bv. na ‘n kleurvolle rooi pappegaai te kyk, dan die kartonbladsy uit te trek en hopenlik sal die voorleser dan die geluid namaak wat op die karton geskryf  is- hier Krys! Krys! Krys! Die boekies is dus ideaal vir ‘n  gedeelde leeservaring. Die boeke is stewig en behoort bestand te wees teen baie hantering. Elke dier vul kleurvol die twee bladsye; die illustrasies het min detail wat elke dier lekker laat uitstaan.

Rousseau, Leon: Storiemuis Boek 4( H&R, 2016)Met ‘n ousio-CD. Illustrasies deur K. Ahlschläger, J.Strauss en M.van Heerden.

Vanselfsprekend moet voornemende kopers al 4 boeke in die reeks koop, aangesien die skrywer hier  voortgaan met die bekendstelling aan verdere getalle-hier 16-20; letters van M tot O; kleure-oranje en bruin, die driehoek, teenoorgesteldes groot en klein , geluide en tussendeur ook ‘n paar lekker stories. Beertjie leer die woorde vir dinge in sy slaapkamer, in die badkamer , in die sitkamer en kombuis.  ‘n Baie aantreklike reeks waar die teks ook lekker groot gedruk is en toeganklik is vir beginner –lesers.

Van monsters ,weerwolwe ,gedigte en 'n Boudebiljoener

Steyn, Sanri: Die monsters van Middernagstraat( LAPA, 2016)

Wanneer Sanri en Markus ‘n besoek aan Middernagstraat bring, is Sanri seker een van die drie Yorkies by een van die huise se gesiggie het in die van ‘n monster verander, maar netso skielik was dit weg. Maar sy is nou eenmaal ‘n joernalis en altyd op soek na ‘n nuwe storie. Met ‘n troeteldierskou verdwyn Markus se kat, ‘n poedel en ‘n skaaphond ook, en die twee gaan terug na Claudia Müller se huis waar die drie Yorkies tuisgaan. Hul soektog eindig in ‘n huisie in die hoek van die tuin waar hulle op ‘n skrikwekkende fonds afkom- ‘n laboratorium waar diere verander word in monsters! Gaan die twee daarin slaag om die twee skurke wat Claudia en haar pa gevangenes hou uit te oorlê? 

Die ideale leesstof vir jonger lesers in ‘n reeks wat reeds baie gewild is. Sanri se verslag in die Raaiselfontein Gazette van die gebeure aan die einde van die storie rond die verhaal mooi af.

Theresa van Balen se illustrasies is puik ; die omslag  treffend sodat die boek dadelik jou aandag trek.

Steyn, Sanri: Die nag van die weerwolwe(LAPA, 2016)

Sanri en Markus is betrokke by hul skool se opvoering van  Prinses Leila en die blou draak, min wetende dat die aankoms van die nuwe meisie Chrissie Wolvaardt en haar pa as aflosonderwyser ‘n gewone skoolopvoering uiteindelik gaan verander in ‘n onvergeetlike aand van groot skrik! Want Chrissie en haar pa is eintlik weerwolfjagters wat werk vir ‘n organisasie wat toegewei is aan die bekamping van weerwolfgeweld teen Mense. Die opvoering is juis Vrydag die 13de en volmaan, en Chrissie waarsku hulle dat daar wel ‘n werewolf rondsluip wat gekeer moet word…

Lekker onderhoudende leesstof met genoeg aksie en verassings om jong lesers te boei. Weereens tref Theresa van Baalen se illustrasies my en dra dit grootliks by tot die aantreklike boek.

 Sterkykers-gedigte vir tieners( LAPA, 2016)Saamgestel deur Jaco Jacobs.

50 gedigte deur ‘n groot verskeidenhied van skrywers soos o.a. Koos Kombuis, Izak de Vries,Fanie Viljoen, Pieter Hugo en Nathan Tantraal maak van hierdie klein bundel iets heel spesiaal en kosbaar.

Die stemme is eietyds, vol gevoel en deurgaans word jy getref deur die oorspronklikheid en sterk individuale uitbeelding van die diepste emosies en ook sosiale kommentaar oor verhoudings en o.a. skool, ‘n lugskou, ‘n sinkdak-begin, biologieklas, geleerdheid, troetelwoorde, die kuns van hande vashou, om te lig bevind te word, 18 keuses van ‘n 18-jarige; die dood van ‘n pa; ma wat sop kook terwyl sy emosieloos die wêreld om haar laat verbygaan; ‘n skooltrui:”vasgeknoop deur twaalf winters uitgerek straitjacket geloop”( Tania Joubert); ‘n mesaanval; en Hani se begrafnis.

Toulopers was die eerste bundel saamgestel deur Jaco Jacobs, en Sterkykers sluit treffend hierby aan:

“om te dig

Was om vlees aan siel geweef te hou

En om jou lief te hê…”( Hamartia deur Sisca Julius)

 

Walliams, David: Mnr Stink( PROTEA, 2016). In Afrikaans vertaal deur Kobus Geldenhuys.

“Meneer Stink het gestink. Hy was die stinkste superstankstinker wat nog ooit gelewe het”.

Chloe, ‘n twaalfjarige meisie besluit om die ou boemelaar in die park met sy hond, Hertogin, te nader en ‘n geselsie aan te knoop. Dit is die begin van ‘n besondere vriendskap . Meneer Stink word genooi om in haar ouers se tuinhuisie te bly, en Chloe smokkel eetgoed uit na hom.Haar ma aspireer na ‘n politieke loopbaan, en Chloe oortuig haar om Meneer Stink te gebruik om haar kanse te versterk-sy ontferm haar dan oor ‘n hawelose mens!

Hierdie is fyn sosiale kommentaar en die skrywer spot heerlik met mense se sosiale front en valse goedheid en pretensies. Chloe en haar pa gee werklik om, en mettertyd ontdek sy ook die waarheid oor Meneer Stink se afkoms en verlede.

Die verhaal behoort aanklank te vind by jong lesers wat aweregse humor geniet en ook ‘n “omgee” sosiale bewustheid het. Dit gaan ook oor vriendskap, soms tussen die mees onwaarskynlike persone- Meneer Stink waardeer die meisie wat self ook eensaamheid ken:”Chloe weet niks van Menner Stink af nie. …Hy lyk ook eensaam, nie net alleen nie, maar eensaam in sy siel. Dit maak Chloe hartseer. Sy weet maar te goed hoe dit voel om eensaam te wees”.   

Rotburger en Ouma is ‘n kroek het in 2015 by PROTEA verskyn.

Walliams, David: Boudebiljoenêr( PROTEA, 2016) Afrikaans deur Kobus Geldenhuys.

Ontmoet Joe Spud. Sy pa is ‘n “boudebiljoenêr”wat ryk geword het deur “varsboude” toiletpapier te ontwerp .Joe het alles wat sy hart kan begeer, behalwe ‘n opregte vriend. Hy vra dat sy pa hom vanuit ‘n rykmansskool moet oorplaas na ‘n gewone staatskool waar die kinders nie sal weet hoe ryk sy pa is nie. Dalk sal hy hier ‘n ware vriend ontmoet. So word Bob sy vriend. Maar Bob word afgeknou deur die tweeling, die goorgatte. Joe koop hulle om om Bob uit te los. Toe hy sy pa vra om vining sy geskiedenis opstel by die skool te kry, land die met ‘n helicopter en nou is sy geheim bekend. Hy kan sy geluk nie glotoe die beeldskone meisie Lauren by die skool aansluit en dadelik te kenne gee dat sy van hom hou.

Maar weereens het die skrywer ‘n eenvoudige belangrike lewensles om te vertel: geld maak jou nie noodwendig gelukkig nie; wat sal gebeur as sy pa skielik alles moet verloor; wie is regtig Joe se vriend?

Joe kry ook die geleentheid om  sy pa te wys dat die klein toiletrol-ruimtevuurpyl wat sy pa vir hom gemaak het toe hulle nog niks besit het nie, die beste present is wat sy pa nog ooit vir hom gegee het.  Humor,  en ‘n sterk verbeelding laat Walliams toe om sy gehoor te betrek. Sy lys van alles wat Joe reeds besit ;Sapphire se wenslys vir haar verjaarsdag,’n lys van snaakse name en vanne en selfs die voorstelling van die grade van pers boude dra alles by tot die aweregse humor.   

 

 

 

 

 

 

Hartbreker na blokkiesraai!

Steyn, Cecilia: Hartbreker( H&R, 2016)  Tienerharte 2

Die eerste boek in die Tienerharte reeks was Hartklop. In Hartbreker is Dewald en Megan ‘n paartjie, en Stefan haar aantreklike broer word deur die welgestelde meisie Surette se pa Professor Delport gevra om die Paasvakansie te kom huis oppas omdat die gesin Milaan toe gaan. Die pragtige huis is in Kampsbaai, en hy nooi sy suster en Dewald saam, asook Ciska Megan se vriendin .  Surette besluit om liewers tuis te bly, want sy is verlief op Stefan. Die Professor dreig om die lewe vir hom moeilik te maak op Universiteit as hy nie naSurette omsien nie. Vir hom is Surette een van daardie meisies” vir wie ‘n mens ‘n prentjie moet teken as jy wil hê sy moet iets verstaan.” Ciska egter, is “nie soos enige meisie wat hy ken nie”.

Hy ontdek gou dat hy eintlik in Ciska belangstel, maar Surette aak die situasie baie gekompliseerd. En dan is daar nog Rowan wat Ciska prober annekseer.

Hier gebruik die skrywer die bekende resep wat ‘n Tienerharte reeks laat werk: Mooi jongmense saamgegooi in ‘n situasie waar daar gedurigdeur onsekerheid is oor wie nou eintlik in wie belangstel; maar uiteindelik word die twee verliefdes tog bymekaar gebring met ‘n gelukkige einde.

Populêre fiksie wat jong tienerharte vinniger sal laat klop; en hul kry ook’n voorsmakie van die volgende boek in die reeks, Hartedief.

Baie mooi omslag wat dadelik die aandag trek.

‘n Heruitgawe van 8 Roald Dahl boeke in Afrikaans!( H&R, 2016:

Die GSR; Marius se merkwaardige medisyne; Fantastiese Mnr. Vos; Matilda;Charlie en die groot glashyser; James en die reuseperske , Charlie en die sjokoladefabriek en Die Twakke. Die GSR is deur Mavis de Villiers vertaal;Marius se merkwaardige medisyne deur Leon Rousseau; en Kobus Geldenhuys is die vertaler van die ander 6 boeke.

Hierdie geliefde skrywer bly een van die grootste kinderboekskrywers van alle tye.  Sy humor, aweregse styl en fyn aanvoeling vir die geesteswêreld van die kind maak hom ‘n welkome gas in elke huis.

In vrolike kleurvolle omslae met interessante illustrasies is hierdie reeks in hierdie heruitgawe keurig versorg,  en as gewese bibliotekaris  weet mens ook hoe nuttig die reeks in biblioteke en vir tuisversamelings gaan wees.

Dinneen, Susie: Nombulelo en die mot(Penguin Random House, 2016)Illustrasies deur Maja Sereda. In Afrikaans vertaal deur Sandra du Toit.

Nombulelo het daarvan gehou om op haar Gogo se skoot te sit en na stories van die bos te luister: dat ‘n luiperd haar Gogo gevolg het in diebos, en van die slang wat Gogo melk gegee het met diebelofte dat sy nie gepik gaan word nie, ook nie haar kinders nie.

Maar vir Nombulelo was Gogo se kosbaarste besitting die pragtige houtdosie waarin ‘n “ droë mot met die kleur van sagte bruinsuiker “ op ‘n geel kaartjie vasgesteek was. Met Gogo se dood het ‘n stem uit die dosie haar gevra om haar vry te laat. Die mot se huis was by die bopunt van die waterval aan die anderkant van die bos. Nombulelo het dapper die bos binne gegaan “ die diep donkergroen wildernis” langs hul huis om die mot tuis te laat kom.  Toe hy wegvlieg het “’n sagte goue stofwolk vansy vlerke afgegly en Nombulelo in ‘n blink mis toegevou”…

Hierdie verhaal kruip diep in jou hart ; dit is die kwaliteit storie waarna ‘n verteller soek om met kinders te deel. Die liefdevolle verhouding tussen ‘n dogtertjie en haar Gogo en Gogo se dood word simbolies in die mot se soeke na bevryding en koestering uitgebeeld.

‘n Oorspronklike roerende verhaal word gekomplimenteer met Maja Sereda se ongelooflik mooi illustrasies. Sy openbaar die fynste aanvoeling vir die verhaal in haar weergawe van die teks – gevoelvol en uiters verbeeldingryk. Hierdie is ‘n spesiale prenteboek wat gekoester moet word. 

Kinney, Jeff: Dagboek van ‘n Wimp( Puffin, 2012) Heruitgawe 2016. Afrikaans deur Carina Diedericks-Hugo- ‘n Tekenprent roman.

Greg Heffley stel dit onomwonde dat hierdie sy joernaal is, en as sy ma sou dink dat hy sy “gevoelens” hierin gaan skryf, is sy “lekker koekoes”!

Greg betrek die leser by sy interpretasie van skool en grade en kinders en die manewales wat hy en sy klasmaats deel. Die stem van die verteller is droog, vol humor en uiters vermaaklik. Daarby sal elke kind kan identifiseer met Greg se waarnemings en opinies:

“ Virdie rekord: Ek dink die hoërskool is die domste ding wat nog ooit uitgedink is. Dis ‘n plek waar outjies soos ek, wat nog nie begin uitskiet nie, tussen gorillas moet oorleef wat twee keer per dag skeer”.

Hierdie boek en die reeks “dagboeke” wat hierop volg bly van die gewildste boeke in ‘n biblioteek en defnitief word dit hartlik ontvang in elke huis en skool. Kinney verstaan die emosies en gedagtewêreld van ‘n kind.

Die verlater het terselfdertyd briljant vertaal.

Beskikbaar deur Puffin is ook die titels Rodrick regeer, In die hondehok; Die laaste strooi; en Die nare waarheid(2016). Die vertaler van laasgenoemde is Tinus Horn.

In die New York Times”’n Pittigheid wat die spyker op die kop slaan, en ‘n oortuigende selfgesentreerde held”. Volgens ‘n ander resensent is dit die reeks vir kinders wat hou van lees en die wat nie daarvan hou nie.  Ek stem volmondig saam!

RAPPORT Junior blokraaiboek(Tafelberg, 2016) Saamgestel deur G. Olwagen.

Hierdie kleurvolle versameling van blokraaie verskyn weekliks in RAPPORT. Ek was beïndruk met die kwaliteit , noukeurige keuses van inligting wat selfs ‘n volwassene se algemene kennis verskerp. Die uitgewer het die noodsaaklikheid gesien om so ‘n blokraai-skat in een bundel aan ‘n wyer leserspubliek beskikbaar te stel. Die blokraaisels handel oor ‘n groot uitgebreide verskeidenheid van onderwerpe om kinders se kennis te toets en te verbeter: o.a. die ruimte, plante en diere; die mens; selfs spreekwoorde; ‘n blokraai opgedra aan die renosterhoring, piramides, en Suid Afrikaanse geskiedenis.

Die oplossings word aan die einde vir elke bladsy gegee. Werklikwaar ‘n pragtige nuttige publikasie wat kinders gaan vermaak terwyl hulle kennis opdoen. Hoogs aanbeveel.  

 

 

 

 

    

Afkop groot Kaptein en Zackie...

Jacobs, Jaco: Z is vir Zackie: die padda-poets( LAPA, 2016)

Die geliefde karakters Zackie en sy vriend Vincent gee hier die geleentheid vir beginner lesers om self ook van hul manewales te lees. Min teks in groot druk maak die leeservaring maklik; en Alex van Houwelingen se illustrasies is in  die kol met dierbare kindergesiggies wat spreek van ondeundheid en pret.

Toe Zackie en Vincent besluit om die padda Meneer Slym skool toe te neem om die tweeling ‘n poets te bak – twee meisies wat van pienk en ponies en prinsesse hou, word selfs die boelie Anton verras met die meisies se reaksie!

Jacobs, Jaco: Z is vir Zackie- Die rowwe resies( LAPA, 2016)

Zackie en incent verf hul kaskar om aan die resies deel te neem. Anton die boelie het natuurlik ‘n duur, vinnige kar en is reg om die twee te wen. Maar hul kaskar se wiel val af, en Anton is die wenner. Maar Jolanda het ‘n foto van die resies geneem, en wie verdien nou om te wen?...

Jaco Jacobs skryf weereens in die kol met sy aanvoeling vir die gedagte-en ervaringswêreld van die kind. Twee boekies wat Zackie nog meer aanhangers gaan besorg!

Biegel, Paul: Die groot klein Kaptein( PROTEA, 2016) Afrikaans deur Daniel Hugo

In die sewentiger jare verskyn hierdie klassieke werk as drie individuele publikasies, hier in een pragtige boek saamgevoeg.

Die klein Kaptein woon in ‘n boot. Hy moet sy boot , die Nooitlek, weer vaarbaar maak om die reis na die Eiland van Groot en Groei te begin. Die kinders in die hawedorpie help hiermee, en Dimi, Dik Druif en Marinka en Bang Tonie word sy metgeselle op die vele avonture wat gaan kom. Hulle vaar deur ‘n draakpoort van klip, vind ‘n geheimsinnige eiland waar mak sirkusdiere hulle inwag; ‘n spookstad waar alles grys is behalwe die plakkate van ‘n kleurvolle vrou; die land van Waan en Wys; en later die land van Skrik en Vrees.Seerower Skobbedonk op sy spookskip sal eers losgetoor word van die stuur van die boot wanneer die skate wat hy gesteel het by al die regmatige eienaars afgelewer word. En die klein Kaptein is gedetermineerd om dit reg te kry…

‘n Fees van fantasie met kleurvolle karakters en verbeeldingryke situasies wat aan jong lesers ure van vermaak gaan verskaf. Marinka wat elke probleemsituasie prober oplos met pannekoek bak; en Bang Tonie wat gedurigdeur te bang is om homself te laat geld.

Die teks word aangevul met ongelooflike illustrasies deur Carl Hollander. Kleurvolle volblad illustrasies van ‘n reus teenoor die klein bootjie; kleurvolle blomme met die kinders wat die groot sakhorlosie prober dra; skrikwekkende drake; seetonele met vlieende visse; sirkusdiere; ‘n grys stad; Vader Bloukrap se seetuin; ‘n vuurtoring wat hoër gebou moet word; selfs ‘n kameelperd in die woestyn; ‘n drywende stad; en ‘n wit yskasteel waarin die hartseer edeldame woon- hierdie is ‘n fantasie wêreld waarin elke kind wat lief is vir lees weer en weer ‘n nuwe avontuur kan beleef. En die boek is ook ideal vir voorlees . Hoogs aanbeveel as ‘n baie spesiale boek, knap vertaal deur Daniel Hugo.

Tiener boek:

Viljoen, Fanie: Afkop( LAPA, 2016)

Doller as afkop kan dit mos nie gaan nie! Of hoe?

Fanie Viljoen neem die leser hier op ‘n wilde spannende opwindende rit wat net groei en aanhou sodat jy amper nie asemhaal voor dit by die laaste bladsy kom nie!

Trent wil so graag inpas by ‘n groep jongmense dat hy enige iets sal doen; selfs saamgaan op ‘n motorrit in ‘n gesteelde motor wat eindig in ‘n ongeluk met net hy wat agterbly en toe die sak ontdek met die half miljoen Rand daarin. Decker vertel  hom later:

“ Omdat jy so needy is . Jy wil saam met die groot ouens speel, maar hulle wil nie saam met jou speel nie”.

Eers is daar die genot van soveel geld net vir himself te hê. :

“ Dis tweehonderdrandnote. Daardie oranje luiperds wat nog nooit ‘n draai in hierdie kamer of my beursie gemaak het nie.”

Maar gou verskyn sy sogenaamde vriende ook op die toneel en dit verander in ‘n toutrekkery- wie gaan nou wegkom met die geld? Ongelukkig is die regte eienaars gou  op hul spoor, en die hele riller word groter en gevaarliker vir hulle almal. Wat gaan uiteindelik gebeur? Sal die jongmense ontsnap uit die hande van die dwelmsmokkelaars?

Viljoen skryf hier op sy beste met ‘n sekere hand en tegniek wat getuig van ervaring. Die taalgebruik is eenvoudig; die spanningselement word gehandhaaf, en dan is dit ook ‘n toets vir Trent om te besluit wat vir hom die belangrikste is- die geld of ‘n terugkeer na sy normale bestaan .

Op ‘n stadium sê hy:” skietgebedjies met beloftes om vir altyd en ewig ‘n model tiener te wees as hy net lewendig kan uitkom”.

Spanning en intrige op ‘n gevaarlike drafstappie, soos ‘n weghol trein wat nie tot stilstand wil kom nie! Hoogs aanbeveel; Viljoen se lesers sal weer kennis maak met sy besondere talent.   

“

 

 

 

.